Raggashanti Obeah-working bunna gyal !
Tambareen Fambily an Mix-Up Nation large up unu self. An propa respek to all linky-linky weh listen Tambareen Radio ova Mix-Up Yaad (mixupyaad.com). Straight blessings an shellings!! On to di mix up dem: Obeah-Working Bunna Gyal Raga me an dis politician used to sort out. Him have him woman weh everybody know. But since him win him seat an get big post him claim seh him cyaan sort out nuh more cause him inna di spotlight, and all say him waan done di relationship. Raga yuh see how man wicked, mi did good enough fi him wen him neva deh pon nuttin an now mi nuh good enough fi him wen him win, him party win and him get big post. A dem tings ya mek people work obeah enuh. Me jus feel like fi tek some a him clothes an mek a man weh mi know sheg him up.