Hairdresser an Politician Mix Up with raggashanti
Maximum respek to mi Tambareen Fambily an mi Mix-Up an Blenda linky-linky. Mi still up eena Obama land a chillax. An since a me a di King of Mix-Up yuh know seh mi eva deh pon di look-out fi drama. An don't ask if drama no deh ya.
Unu hear da one ya an tell mi if unu no tink seh da bredda ya a eediat. Him live a New York an him have a wife. Him do likkle hustling an set up di wife inna a propa-propa hair and nails salon. Him go pick up a bunna girl and di damn fool mek it him duty fi brag everyday to di bunna girl how a him own di top-class hair/nails parlour weh him wife run. Di bunna gyal no do nuttin more dan start go di parlour, an always a insist seh a di wife she waan fi do har hair "cau she do it best". Di bunna gyal all draw out di wife an mek she de deh a rinse how har husband a di best, an how him no nasty like di bwoy dem outa road who a do all manner of nastiness like swiping. Di bunna gyal say it sweet har so till, cause every time she pay di wife, a wid di same money weh di wife work an gi di husband, and, moreover, di bunna gyal no stap laugh inside wen she hear di wife a say har husband no swipe, cause she di bunna girl get har regula swipe fram di husband.
Den di final part a di mix-up is dat di bunna girl have a nex man weh she a do di tings dem wid, who drive a kinda boasy taxi, an she get da man deh fi carry di wife all bout. So di wife a rinse har business to har mate an to har mate man regularly an no have a clue wha a gwaan. An di husband know all dis an a work wid it.
As far as mi concern di husband wukliss an stay bad! If him haffi gi bun him fi learn fi do it wid respek. If him a do a ting pon di side, him shouldn't mek all dem tings deh a reach him wife. An it doesn't matta dat di wife no know so it naa hurt har, it still no right. Him fi mek di bunna gyal go to a different parlour an mek him wife work wid a different taxi man. A dat mi seh.
Anywayz, pree da mix-up ya!
Hot Politician Mix-Up
Wha gwaan Raga, big up yuh self anywhere yuh deh. Big-up to di politician weh a get a daily beating from him wife. Raga him wife a so yuh know how dem tough like dat. Big him up an big up him bruise dem cause a proper proper beaten him a get.
An big up di minister who not only a sleep wid him wife best friend dem, but a sleep wid dem pikney too! Boy an gurl. Mi kno dat fi a fact but I'm still investigating whether he's sleeping with his own children too since I heard that from my cousin. Raga, me is a gud-up gud-up investigator so anyting mi hear mi haffi find out. Puppa Jeeezas! What a piece a mix-up heat. Yuh write di politician dem names, but of course mi couldn't publish back dem names due to legal reasons. Mi neva did hear bout di first one weh him wife a beat out him claat. Poor ting, a former minister so powerful, yet have him woman bust him up wen him go home.
But di second one mi already hear bout, well, at least part. Mi already get it say him a sleep wid at least two a him wife fren dem, but mi neva get di part weh say him a sleep wid di fren dem pickney dem. A wonda di pickney dem a how old? Mi a hope seh da part deh a no true. An mi really hope seh a rumour dem a spread pon him say him also a sleep wid him owna pickney dem, cause dat woulda past wicked. But da politician deh name always a call up inna all kinda sex drama fram a longa while, an a nuff mix-up people sen een to mi bout di different tings dem weh him allegedly a do. If him really a gwaan wid dem tings deh him betta stop, cause mix-up have a way fi ketch up wid yuh. Every day bucket go a well, one day!..unu know di rest. Bless up.
Unu hear da one ya an tell mi if unu no tink seh da bredda ya a eediat. Him live a New York an him have a wife. Him do likkle hustling an set up di wife inna a propa-propa hair and nails salon. Him go pick up a bunna girl and di damn fool mek it him duty fi brag everyday to di bunna girl how a him own di top-class hair/nails parlour weh him wife run. Di bunna gyal no do nuttin more dan start go di parlour, an always a insist seh a di wife she waan fi do har hair "cau she do it best". Di bunna gyal all draw out di wife an mek she de deh a rinse how har husband a di best, an how him no nasty like di bwoy dem outa road who a do all manner of nastiness like swiping. Di bunna gyal say it sweet har so till, cause every time she pay di wife, a wid di same money weh di wife work an gi di husband, and, moreover, di bunna gyal no stap laugh inside wen she hear di wife a say har husband no swipe, cause she di bunna girl get har regula swipe fram di husband.
Den di final part a di mix-up is dat di bunna girl have a nex man weh she a do di tings dem wid, who drive a kinda boasy taxi, an she get da man deh fi carry di wife all bout. So di wife a rinse har business to har mate an to har mate man regularly an no have a clue wha a gwaan. An di husband know all dis an a work wid it.
As far as mi concern di husband wukliss an stay bad! If him haffi gi bun him fi learn fi do it wid respek. If him a do a ting pon di side, him shouldn't mek all dem tings deh a reach him wife. An it doesn't matta dat di wife no know so it naa hurt har, it still no right. Him fi mek di bunna gyal go to a different parlour an mek him wife work wid a different taxi man. A dat mi seh.
Anywayz, pree da mix-up ya!
Hot Politician Mix-Up
Wha gwaan Raga, big up yuh self anywhere yuh deh. Big-up to di politician weh a get a daily beating from him wife. Raga him wife a so yuh know how dem tough like dat. Big him up an big up him bruise dem cause a proper proper beaten him a get.
An big up di minister who not only a sleep wid him wife best friend dem, but a sleep wid dem pikney too! Boy an gurl. Mi kno dat fi a fact but I'm still investigating whether he's sleeping with his own children too since I heard that from my cousin. Raga, me is a gud-up gud-up investigator so anyting mi hear mi haffi find out. Puppa Jeeezas! What a piece a mix-up heat. Yuh write di politician dem names, but of course mi couldn't publish back dem names due to legal reasons. Mi neva did hear bout di first one weh him wife a beat out him claat. Poor ting, a former minister so powerful, yet have him woman bust him up wen him go home.
But di second one mi already hear bout, well, at least part. Mi already get it say him a sleep wid at least two a him wife fren dem, but mi neva get di part weh say him a sleep wid di fren dem pickney dem. A wonda di pickney dem a how old? Mi a hope seh da part deh a no true. An mi really hope seh a rumour dem a spread pon him say him also a sleep wid him owna pickney dem, cause dat woulda past wicked. But da politician deh name always a call up inna all kinda sex drama fram a longa while, an a nuff mix-up people sen een to mi bout di different tings dem weh him allegedly a do. If him really a gwaan wid dem tings deh him betta stop, cause mix-up have a way fi ketch up wid yuh. Every day bucket go a well, one day!..unu know di rest. Bless up.
Comments
Post a Comment